अमेरिका र इजरायलले इरान विरुद्ध युद्ध सुरु गरेदेखि अहिलेसम्म ७८७ इरानीको मृत्यु भएको छ ।
शनिबारदेखि इरानमाथि आक्रमण सुरु गरेयता ७८७ जनाको ज्यान गएको इरानको रेड क्रिसेन्ट सोसाइटीले जनाएको छ।
यसैबीच, अमेरिकामा आधारित संस्था ह्युमन राइट्स एक्टिभिस्ट्स इन इरान (HRANA) ले ७४२ सर्वसाधारणको मृत्यु भएको उल्लेख गरेको छ, जसमा १७६ बालबालिका पनि रहेका छन्।
इरानी संसदको स्वास्थ्य आयोगकी सदस्य फातेमेह मोहम्मदबेगीले सोमबार नौ वटा अस्पताललाई निशाना बनाइएको बताउँदै इजरायल र अमेरिकामाथि अस्पताल लक्षित आक्रमण गरेको आरोप लगाएकी छन्।
इजरायली रक्षा बल (IDF)ले तेहरानस्थित गान्धी अस्पताललाई लक्षित गरिएको भन्ने आरोपप्रति प्रतिक्रिया दिँदै उक्त आक्रमण अस्पताललाई लक्षित गरी नगरिएको दाबी गरेको छ।
यसैबीच, इरानको विदेश मन्त्रालयले आज पुनः इजरायल र अमेरिकामाथि सोही अस्पताललाई निशाना बनाएको आरोप लगाएको छ।
प्रतिक्रिया