झापा । झापा प्रतिनिधिसभा निर्वाचन क्षेत्र नम्बर ५ मा जारी मतगणनामा राष्ट्रिय स्वतन्त्र पार्टी (रास्वपा)का उम्मेदवार बालेन शाहले फराकिलो अग्रता कायम गरेका छन् ।
पछिल्लो मतपरिणाम अनुसार शाहले ११ हजार ९४५ मत प्राप्त गरेका छन् । उनका निकटतम प्रतिस्पर्धी नेकपा (एमाले)का अध्यक्ष तथा पूर्वप्रधानमन्त्री केपी शर्मा ओलीले २ हजार ६९२ मत पाएका छन् । यससँगै शाहले ओलीभन्दा ९ हजार २५३ मतान्तरले अग्रता बनाएका छन् ।
झापा-५ मा यी दुई नेताबीचको प्रतिस्पर्धा यस निर्वाचनको सबैभन्दा चर्चित भिडन्तमध्ये एक मानिएको छ ।
मतगणना जारी रहेकाले अन्तिम परिणाम आउँदासम्म शाहको अग्रता अझै बढ्न सक्ने अनुमान गरिएको छ । साथै शाह झापातर्फ प्रस्थान गरिसकेको जानकारी पनि प्राप्त भएको छ ।
प्रतिक्रिया