गुल्मी । गुल्मी निर्वाचन क्षेत्र नम्बर २ मा जारी प्रतिनिधिसभा सदस्य निर्वाचनको मतगणनामा नेकपा एमालेका उम्मेदवार गोकर्ण विष्ट झिनो अग्रतासहित अघि रहेका छन् ।
पछिल्लो विवरणअनुसार मुसिकोट नगरपालिका, इस्मा गाउँपालिका, धुर्कोट गाउँपालिका र मदाने गाउँपालिका तथा मालिका गाउँपालिकाका वडा नम्बर १ देखि ६ सम्मको मतगणना सकिँदा एमालेका विष्टले १४ हजार २३४ मत प्राप्त गरेका छन् ।
उनका निकटतम प्रतिद्वन्द्वी राष्ट्रिय स्वतन्त्र पार्टी (रास्वपा)का उम्मेदवार गोविन्द पन्थीले १४ हजार मत प्राप्त गर्दै कडा प्रतिस्पर्धा दिइरहेका छन् ।
त्यस्तै नेपाली काँग्रेसका उम्मेदवार भुवन प्रसाद श्रेष्ठले ११ हजार ३१४ मत प्राप्त गरेका छन् भने नेपाल कम्युनिस्ट पार्टीका उम्मेदवार श्रीराम महतले २ हजार ८०९ मत प्राप्त गरेका छन् ।
हालसम्मको मत परिणाम अनुसार एमालेका गोकर्ण विष्टले रास्वपाका गोविन्द पन्थीलाई २३४ मतले पछि पार्दै अग्रता कायम गरेका छन् । बाँकी क्षेत्रको मतगणना जारी रहेकाले अन्तिम परिणामका लागि केही समय लाग्ने जनाइएको छ ।
प्रतिक्रिया