काठमाडौं । प्रतिनिधिसभा सदस्य निर्वाचनअन्तर्गत खोटाङबाट श्रम संस्कृति पार्टीले पहिलो जित हात पारेको छ । हर्कराज राई नेतृत्वको उक्त पार्टीबाट उम्मेदवार बनेका आरेन राई निर्वाचित भएका हुन् ।
अन्तिम मतपरिणामअनुसार आरेन राईले १६ हजार ६१२ मत प्राप्त गर्दै विजय हासिल गरेका छन् । उनका निकटतम प्रतिस्पर्धी नेकपा (एमाले) का देवविक्रम राईले १२ हजार ७१४ मत प्राप्त गरेका छन् ।
यसैगरी नेपाली कांग्रेसका वीरकाजी राईले ११ हजार ९५७ मत प्राप्त गर्दै तेस्रो स्थानमा रहेका छन् । नेपाल कम्युनिस्ट पार्टी (नेकपा) का हरि रोकाले ९ हजार ४४३ मत प्राप्त गरेका छन् भने राष्ट्रिय स्वतन्त्र पार्टी (रास्वपा) का रुद्र गिरीले ५ हजार ७०४ मत प्राप्त गरेका छन् ।
यस नतिजासँगै श्रम संस्कृति पार्टीले प्रतिनिधिसभा निर्वाचनमा खोटाङबाट पहिलो सिट जित्दै आफ्नो खाता खोलेको छ ।
प्रतिक्रिया