काठमाडौं । श्रम संस्कृति पार्टीले बालेन्द्र सरकारले प्रस्ताव गरेको संविधान संशोधनको एजेण्डामा सुझाव पठाएको छ । सो पार्टीले ‘संविधान संशोधन बहसपत्र तयार गर्ने कार्यदल–२०८२ लाई श्रम संस्कृति पार्टीको तर्फबाट आज ९ बुँदे लिखित सुझाव दिएको हो ।
श्रम संस्कृतिले संविधान संशोधन गरेर प्रत्यक्ष निर्वाचित कार्यकारी राष्ट्रपति र पूर्ण समावेशी राज्य प्रणालीको व्यवस्था गर्न सुझाव दिएको छ ।
जनताद्वारा प्रत्यक्ष चुनिने कार्यकारी राष्ट्रपति, कार्यकारी राष्ट्रपतिले नै समावेशीका आधारमा मन्त्रिपरिषद गठन गर्ने श्रम संस्कृति पार्टीको सुझाव छ ।
यसैगरी कार्यकारी प्रमुखका सीमा निर्धारण गर्ने, निरंकुशताको व्याख्या गर्ने, कार्यकारी प्रमुख निरंकुश बने महाअभियोग लगाउने र संसदमा महाअभियोग पास भए कार्यकारी प्रमुख पदमुक्त हुने व्यवस्था गर्नुपर्ने सो पार्टीको धारणा छ ।
यसै गरी सबै जातजातिका नागरिकहरुलाई राजनीतिक पद तथा सेना, प्रहरी लगायत सबै कर्मचारी संयन्त्रमा सहभागी गराउने व्यवस्था मिलाउन पनि श्रम संसकृति पार्टीले सुझाव दिएको छ ।
प्रतिक्रिया