काठमाडौं । सुर्खेतमा १६ वर्षीया इनिशा विकको बलात्कारपछि हत्या भएको घटनाले गम्भीर रूप लिँदै गएको छ । घटनाको निष्पक्ष छानबिन र न्यायको माग गर्दै दलित, महिला तथा मानव अधिकारकर्मीहरूले काठमाडौंको माइतीघर मण्डलामा धर्ना दिएका छन् । आन्दोलनरत समूह आजै राष्ट्रिय मानव अधिकार आयोगमा पनि पुगेर ध्यानाकर्षण गराउने तयारीमा छन् ।
यसैबीच घटनालाई लिएर जनस्तरबाट दबाब बढ्न थालेपछि प्रहरीले थप अनुसन्धानका लागि केन्द्रीय अनुसन्धान ब्युरो (सीआईबी)को टोली सुर्खेत पुगेको छ ।
गत शनिबार वीरेन्द्रनगर नगरपालिका–४ स्थित शहीद उद्यान परिसरभित्र रहेको जनजागरण सामुदायिक वनमा १६ वर्षीया बालिकाको बलात्कारपछि हत्या भएको अवस्थामा शव फेला परेको थियो । प्रहरीले घटनामा संलग्न भएको आरोपमा चार जनालाई पक्राउ गरी उनीहरूविरुद्ध जबर्जस्ती करणी तथा कर्तव्य ज्यानसम्बन्धी मुद्दामा अनुसन्धान अघि बढाइरहेको जनाएको छ ।
प्रतिक्रिया