काठमाडौं। श्रम संस्कृति पार्टीलेले प्रतिनिधिसभामा समानुपातिक प्रणालीबाट पठाउने सांसदहरूको नाम अन्ततः टुंगो लगाएको छ।
धेरै आकांक्षीहरुले दाबी गरेपछि बढेको आन्तरिक विवादबीच पार्टीले चार जनाको नाम टुंगो लगाएको हो । जसअनुसार आदिवासी महिलातर्फ मन्दिरा मोक्तान, खस–आर्य महिलातर्फ अम्बिका संग्रौला, दलित कोटामा सुर्खेतकी राधिका रम्तेल र आदिवासी जनजातितर्फ पूर्ण लिम्बु रहेका छन् ।
फागुन २१ गते सम्पन्न प्रतिनिधिसभा निर्वाचनमा पार्टीले समानुपातिकतर्फ ३ लाख ८५ हजार ९०२ मत प्राप्त गरी थ्रेसहोल्ड कटाउने वित्तिकै पार्टीमा को समानुपातिक सूचीमा पर्ने भन्नेमा विवाद बढेको थियो । विवाद बढ्दै जाँदा अध्यक्ष हर्क साम्पाङले अनावश्यक दाबी गर्नेलाई पार्टीबाटै निस्काशन गर्ने चेतावनी दिएका थिए ।
प्रतिक्रिया