काठमाडौं । रमेश लेखक पक्राउ परेका छन् । नेपाल प्रहरीले उनलाई शनिबार बिहान भक्तपुरको कटुञ्जेबाट नियन्त्रणमा लिएको हो ।
पूर्वगृहमन्त्रीसमेत रहेका लेखकलाई गत भदौ २३ गते भएको जेनजी आन्दोलनका क्रममा १९ जनाको मृत्यु भएको घटनासँग सम्बन्धित आरोपमा पक्राउ गरिएको जनाइएको छ ।
उक्त घटनामा तत्कालीन गृहमन्त्रीको हैसियतमा उनको हेलचेक्र्याइँका कारण आन्दोलनकारीको ज्यान गएको ठहर गर्दै गौरीबहादुर कार्की जाँचबुझ आयोगले उनलाई ३ देखि १० वर्षसम्म कैद सजाय सिफारिस गरेको थियो ।
आयोगको प्रतिवेदन कार्यान्वयन गर्ने निर्णय शुक्रबार बसेको मन्त्रिपरिषद् बैठकले गरेपछि प्रहरीले उनलाई पक्राउ गरेको हो । अब घटनासम्बन्धी थप अनुसन्धान प्रक्रिया अघि बढाइने जनाइएको छ ।
प्रतिक्रिया