काठमाडौं । बालेन्द्र सरकारले अध्यक्ष केपी शर्मा ओलीलाई पक्राउ परेपछि नेकपा (एमाले)ले सचिवालयको आकस्मिक बैठक बोलाएको छ।
एमाले सचिव महेश बस्नेतका अनुसार अध्यक्ष ओली पक्राउको विषयमा छलफल गर्न शनिबार बिहान साढे ८ बजेका लागि सचिवालय बैठक बोलाइएको हो। बैठकले ओली पक्राउको विषयमा पार्टीको औपचारिक धारणा सार्वजनिक गर्ने तयारी गरेको बताइएको छ। प्रतिशोधपूर्ण तगरिकाले अध्यक्ष ओलीलाई पक्राउ गरेको भन्दै त्यसको विरोधमा पार्टीले संघर्षका कार्यक्रम तय गर्न बैठक बस्न लागेको बस्नेतले जानकारी दिएका छन्।
बस्नेतले सामाजिक सञ्जालमार्फत देशलाई प्रतिशोधको राजनीतिबाट जोगाउन र लोकतान्त्रिक मूल्य-मान्यताको रक्षा गर्न एमालेले गर्ने प्रदर्शनमा सहभागी हुन आह्वान गरेका छन्। उनले भनेका छन्, “आज बिहान ८:३० बजे बस्ने सचिवालय बैठकपछि कार्यक्रमबारे विस्तृत जानकारी दिइनेछ।”
उनले राजनीतिक बन्दी नहुनु लोकतन्त्रको महत्वपूर्ण सूचक भएको उल्लेख गर्दै नेपाल विगतमा राजनीतिक बन्दी नभएको देशका रूपमा उदाहरणीय मानिएको बताएका छन्।
उनले अनुभवहीन तथा विवादित व्यक्तिलाई गृहमन्त्री बनाइएको र पूर्वप्रधानमन्त्री ओली तथा पूर्वगृहमन्त्री रमेश लेखकलाई पक्राउ गरिएको घटनाले देशमा द्वन्द्व बढाउने अवस्था सिर्जना गरेको टिप्पणी गरेका छन्।
प्रतिक्रिया