काठमाडौँ । संघीय संसद् सचिवालयको आह्वानमा सर्वदलीय बैठक सिंहदरबारमा बसेको छ ।
सिंहदरबारस्थित संघीय संसद् सचिवालयको कानुन, न्याय तथा मानव अधिकार समितिको सभा हलमा बैठक बसको हो। बैठकले भोलिको अधिवेशनको कार्यसूची पारित गर्ने बताइएको छ ।
बैठकमा संसदमा प्रतिनिधित्व गर्ने ६ वटा राजनीतिक दलका प्रतिनिधि, सरकारका प्रतिनिधि तथा संघीय संसद् सचिवालयका अधिकारीहरू सहभागी भएका छन्।
सो बैठकको नेतृत्व प्रतिनिधि सभाका ज्येष्ठ सदस्य अर्जुननरसिंह केसीले गरेका छन् ।
बैठकमा राष्ट्रिय स्वतन्त्र पार्टीका तर्फबाट उपसभापति तथा सांसद डीपी अर्यालसहित समीक्षा बास्कोटा, विपिन आचार्य, कविन्द्र बुर्लाकोटी र प्रकाशचन्द्र परियार बैठकमा सहभागी भएका छन्।
त्यसैगरी नेपाली कांग्रेसका तर्फबाट मोहन आचार्य उपस्थित छन् । नेकपा तर्फबाट एमालेका गुरुप्रसाद बराल र गणेशसिंह ठगुन्ना तथा नेकपा माओवादी केन्द्रका वर्षमान पुन बैठकमा सहभागी भएका छन्। श्रम संस्कृति पार्टीबाट आरेन राई र राष्ट्रिय प्रजातन्त्र पार्टीबाट खुश्बू ओली बैठकमा सहभागी छन्।
बैठकमा कानुन, न्याय तथा संसदीय मामिलामन्त्री सोविता गौतम र संघीय संसद् सचिवालयका महासचिव पद्मप्रसाद पाण्डे पनि उपस्थित रहेका छन्।
प्रतिक्रिया