काठमाडौं । संयुक्त अरब इमिरेट्स यूएईको राजधानी अबुधाबीमा क्षेप्यास्त्रका भग्नावशेष खस्दा सात जना नेपाली घाइते भएका छन् । संयुक्त अरब इमिरेट्सबाट प्रकाशित द नेसनको अनलाइन संस्करणका अनुसार घाइतेमध्ये एक जनाको अवस्था गम्भीर रहेको छ ।
उक्त घटनामा कुल १२ जना घाइते भएका छन्, जसमा पाँच जना भारतका नागरिक रहेका छन् । आकाशमै क्षेप्यास्त्र अवरोध (इन्टरसेप्ट) गर्ने क्रममा त्यसका भग्नावशेष जमिनमा खसेर मानिसहरू घाइते भएको जनाइएको छ ।
पछिल्लो समय पश्चिम एशियामा बढ्दो द्वन्द्वका कारण त्यहाँ कार्यरत नेपालीहरूको सुरक्षाबारे गम्भीर चिन्ता व्यक्त हुन थालेको छ । यसअघि पनि यूएईमै एक जना नेपालीले ज्यान गुमाइसकेको खबर सार्वजनिक भएको थियो ।
प्रतिक्रिया