काठमाडौं । बालेन्द्र शाह (बालेन)ले मन्त्रिपरिषद्को आकस्मिक बैठक आह्वान गरेका छन् । बैठक आज दिउँसो १ बजे सिंहदरबारस्थित प्रधानमन्त्री तथा मन्त्रिपरिषद्को कार्यालयमा बस्नेछ ।
यसअघि आइतबार पनि मन्त्रिपरिषद्को बैठक बसेको थियो । लगातार बैठक बस्नुलाई सरकारले महत्वपूर्ण विषयमा निर्णय लिन खोजेको संकेतका रूपमा हेरिएको छ ।
बैठकअघि सुधन गुरुङको काभ्रेको रोशी खोला क्षेत्रको निरीक्षण कार्यक्रम तय रहेको छ । गृहमन्त्रीको सचिवालयका अनुसार मन्त्रिपरिषद्को बैठकमा सहभागी भएपछि मात्रै उनी स्थलगत अध्ययनका लागि त्यसतर्फ प्रस्थान गर्नेछन् ।
वर्षायाममा हुने सम्भावित बाढी तथा स्थानीय समस्याबारे अध्ययन गर्न जानुअघि बस्न लागेको मन्त्रिपरिषद्को बैठकमा यीसहित अन्य समसामयिक विषयमा समेत छलफल हुने अपेक्षा गरिएको छ ।
प्रतिक्रिया