बुटवल । बुटवलमा जारी सहिद प्रचण्ड थैव स्मृति दोस्रो सौभाग्य गोल्डकप २०८२ मा अन्तिम चारको टुगो लागेको छ । वर्षाको कारण बुधबार स्थगित भएको तेस्रो क्वाटरफाईनल खेल विहिबार खेलाईएको थियो ।
जुन खेलमा मोनष्टर गाईजले ट्राईबेकरमा ४-३ गोल अभिषेक चर्चलाई पराजित गर्दै अन्तिम चारमा स्थान बनाएको हो । यसैगरि विहिबार नै भएको अन्तिम क्वाटरफाईनलमा आयोजक सौभाग्य युवा क्लबलाई ट्राईबेकरमा ५-३ गोल अन्तरले स्तब्ध पार्दै डिफेन्डिङ च्याम्पियन झरना स्पोर्टिङ क्लब कुन्जलापुर अन्तिम चारमा पुगेको छ ।
शुक्रबार हुने पहिलो सेमीफाईनलमा मोनष्टर गाईजले देवदह ब्यायज रुपन्देहीको सामना गर्ने छ भने झरनाले कपिलबस्तु ११ संग दोस्रो सेमीफाईनको भेट पक्का गरेको हो ।
सिद्धेश्वर खेलमैदानमा दियसो भएको खेलमा मोनष्टर गाईजका रोजल दाहालले खेलको १८ औ मिनेटमा खाता खोले । तर खेलको २० औ मिनेटमा पाएको कर्नर किकलाई अभिषेक चर्चका बिक्रम लामाले जाली चुमाए । खेलको २५ औ मिनेटमा मोनष्टर गाईजका आमोस रानाले डिबक्स बाहिरबाट आर्कषक गोल गर्दै खेलमा पुनः अग्रता दिलाए । तर अभिषेक चर्चका टिम क्याप्टेन सुजित बुढाथोकीले खेलको ३० औ मिनेटमा बराबरी गोल गरे । खेलको ४६ औ मिनेटमा जेबिन लामिछानेले अभिषेक चर्चका अनुज गैरेलाई डिबक्स भित्र लडाएपछि पेनाल्टीको अवसर पायो ।
सुजित बुढाथोकीले गरेको पेनाल्टी प्रहार किपर प्रतिक सुनारले रोकेपनि रिबाउण्ड भएको बललाई सुजितले नै जाली चुमाए । केही समयको यो अग्रतालाई खेलको ५७ औ मिनेटमा मोनष्टर गाईजका अभिषेक महतोले पुनः बराबरी गरे । निखिलको पासलाई महतोले जाली चुमाए । निर्धारित समय ३-३ गोलको बराबरी भएपनि खेल ट्राईबेकरमा धकेलियो । ट्राईबेकरमा ३-१ गोलले मोनष्टर गाईज बिजयी भयो ।
यता विहिबार नै भएको अन्तिम क्वाटरफाईनलमा डिफेन्डिङ च्याम्पियन झरना स्र्पोटिङ क्लब कुन्जलापुरले आयोजक सौभाग्य युवा क्लबलाई पराजित गरेको छ । झरनाका रिजन क्षेत्रीले खेलको १९ औ मिनेटमा गोल गर्दै खेलमा अग्रता लिएका थिए । आयोजक सौभाग्यका अभाय योमीको खेलको ३१ औ मिनेटमा बराबरी गोल गरे । निर्धारित समयमा थप गोल हुन सकेन ।
ट्राईबेकरमा झरना विजयी भयो । प्रतियोगितामा प्रथम हुने टोलीले ५ लाख ५ हजार रुपैयाँ र उपविजेताले २ लाख ५५ हजार रुपैयाँ पुरस्कार प्राप्त गर्नेछन् । यस्तै, विभिन्न विधामा उत्कृष्ट खेलाडी तथा कोचलाई नगद पुरस्कारको व्यवस्था गरिएको क्लबका सचिव प्रकाश क्षेत्रीले बताए । प्रतियोगितामा रुपन्देहीसहित चितवन, नवलपरासी, कपिलबस्तुका गरि १२ क्लबहरुले भाग लिएका छन ।
प्रतिक्रिया