काठमाडौं । उद्योगी शेखर गोल्छा पक्राउ परेका छन्। काठमाडौं जिल्ला अदालतबाट पक्राउ अनुमति लिएपछि नेपाल प्रहरीको केन्द्रीय अनुसन्धान ब्युरो (सीआईबी)ले उनलाई बिहीबार काठमाडौंबाट पक्राउ गरेको हो।
सीआईबीका अनुसार विभिन्न कसूरमा संलग्न रहेको प्रारम्भिक तथ्य फेला परेपछि गोल्छालाई अनुसन्धानका लागि नियन्त्रणमा लिइएको हो। सीआईबीले उनलाई पक्राउ गर्न नेपाल धितोपत्र बोर्डले तयार पारेको प्रारम्भिक जाँचबुझ प्रतिवेदनलाई समेत आधार बनाएको छ।
अनुसन्धानका क्रममा हिमालयन रिइन्स्योरेन्स लिमिटेडका तत्कालीन अध्यक्षसमेत रहेका गोल्छाको मिलेमतोमा धितोपत्र सम्बन्धी ऐन, २०६३ अन्तर्गत दफा ९४, ९५, ९६ को उपदफा ९१०० तथा दफा ९८ अनुसार कसूर भएको आशंकामा थप अनुसन्धान अघि बढाइएको सीआईबीले स्पष्ट पारेको छ। उक्त कसूरमा ऐनको दफा १०३ को उपदफा (३) बमोजिम कारबाही प्रक्रिया अगाडि बढाइएको सीआईबीले जनाएको छ।
प्रतिक्रिया