बुटवलमा भूमिहीन सुकुमवासी र अव्यवस्थित बसोबासीहरूको प्रदर्शन (फोटोफिचर)

बुटवल । रुपन्देहीका भूमिहीन सुकुमवासी र अव्यवस्थित बसोबासीहरूले चरणबद्ध आन्दोलनको कार्यक्रम अन्तर्गत आज बुटवलमा प्रदर्शन गरेका छन् । भूमिहीन सुकुमवासी तथा अव्यवस्थित संघर्ष समितिको आह्वानमा बुटवलमा प्रदर्शन भएको हो ।

राजमार्ग चौराहाबाट सुरु भएको विरोध प्रदर्शन मिलनचोक-अस्पताल लाइन हुँदै ट्राफिक चोकतर्फ अघि बढेको छ । प्रदर्शनकारीहरुले बालेन्द्र सरकार विरुद्ध चर्का नारा लगाउका छन् । उनीहरुले बालेन्द्र शाहलाई सरकार छाड्न माग गर्दै सरकारले चलाएको ‘डोजर आतंक’को चर्को विरोध गरेका छन् ।

ट्राफिक चोकमा पुगेर कोणसभा हुने र प्रदर्शनकै क्रममा जिल्लाका स्थानीय तह तथा प्रदेश सरकारलाई ज्ञापनपत्र बुझाइने कार्यक्रम रहेको भूमिहीन सुकुमवासी तथा अव्यवस्थित संघर्ष समितिले जनाएको छ ।

उनीहरुले विगतमा नापजाँच भइसकेका जग्गाको लालपुर्जा तत्काल उपलब्ध गराउन माग गर्दै राज्यले ‘डोजर आतंक’ मच्चाएको आरोपसमेत लगाउँदै आएका छन् ।

प्रदर्शनलाई ध्यानमा राख्दै स्थानीय प्रशासनले बुटवलमा ठुलो संख्यामा सुरक्षाकर्मी परिचालन गरेको छ ।