काठमाडौं । सत्तारुढ राष्ट्रिय स्वतन्त्र पार्टी (रास्वपा) ले आज केन्द्रीय सचिवालय बैठक बोलाएको छ । पार्टी सभापति रवि लामिछानेको निर्देशनमा बैठक आह्वान गरिएको हो ।
पार्टीका प्रवक्ता मनीष झाले आइतबार साँझ ६ बजे पार्टीको केन्द्रीय कार्यालय वनस्थलीमा बैठक बस्ने जानकारी दिए । बैठकमा सचिवालय सदस्यहरूको अनिवार्य उपस्थितिका लागि निर्देशनसमेत दिइएको छ ।
बैठकमा भेला तथा अधिवेशनको विशेष तालिकाबारे छलफल हुने जनाइएको छ । साथै आयोग तथा विभागका पदाधिकारी मनोनयन, जिल्ला समिति विघटन, अनुशासनात्मक कारबाही, केन्द्रीय समिति बैठक तथा अन्य विविध विषयमा पनि छलफल हुने प्रवक्ता झाले बताए ।
बैठकका लागि छ वटा कार्यसूची तय गरिएको र पार्टी संगठनलाई व्यवस्थित तथा सक्रिय बनाउने विषयमा समेत निर्णय हुन सक्ने जनाइएको छ ।
प्रतिक्रिया