काठमाडौं । श्रम संस्कृति पार्टीका संसदीइ दलका नेता हर्क साम्पाले सरकारलाई संसद्प्रति जवाफदेही बनाउन आवश्यक परे आफूहरू निलम्बन हुनसमेत तयार रहेको बताएका छन्।
बुधबार संघीय संसद् भवन, सिंहदरबारमा सञ्चारकर्मीसँग कुरा गर्दै उनले सरकारलाई जनताका सवालमा उत्तरदायी बनाउन आफ्नो पार्टीको विरोध कार्यक्रम आगामी दिनमा पनि निरन्तर रहने स्पष्ट पारे।
साम्पाङले सभामुखले सरकारलाई प्रश्न गर्न नदिने गरी रुलिङ गरेको आरोप लगाउँदै त्यसको विरोधस्वरूप आफूहरू उभिएको बताए। संसद्को गरिमा, सार्वभौमिकता तथा विधि–विधानको रक्षा गर्नुपर्ने भएकाले निलम्बनको जोखिम मोल्न तयार रहेको उनको भनाइ थियो।
उनले सुकुम्बासी समस्या, लिपुलेक विवाद, वैदेशिक ऋणलगायतका विषयमा सरकारसँग पटक–पटक प्रश्न उठाउँदा पनि सन्तोषजनक जवाफ नआएको बताए। सरकार जनताका ज्वलन्त मुद्दामा मौन बसेको भन्दै त्यसको अन्तिम मूल्यांकन जनताले नै गर्ने उनले उल्लेख गरे।
प्रतिक्रिया