काठमाडौं । राजावादी अभियन्ता एवं मेडिकल व्यवसायी दुर्गा प्रसाईं विरुद्ध पर्सा जिल्ला अदालतमा अभियोग पत्र दायर गरिएको छ ।
सरकारी वकिल कार्यालयले सोमबार उनीविरुद्ध विद्युतीय (इलेक्ट्रोनिक) कारोबार ऐन, २०६३ तथा राज्यविरुद्धको कसुर अन्तर्गत मुद्दा दायर गरेको हो ।
प्रहरीले उनलाई जेठ ४ गते पर्साको वीरगञ्जस्थित एक होटलबाट पक्राउ गरेको थियो । अनुसन्धानका क्रममा विभिन्न युट्युब च्यानलमार्फत उनले दिएका अभिव्यक्तिलाई आधार बनाइएको प्रहरी स्रोतले जनाएको छ ।
अदालतमा उपस्थित गराइएपछि उनका समर्थकहरूले पर्सा जिल्ला अदालत परिसर बाहिर नाराबाजी गरेका थिए ।
अनुसन्धानमा संलग्न अधिकारीहरूका अनुसार प्रसाईंले युट्युब अन्तर्वार्तामा महिलामाथि अपमानजनक अभिव्यक्ति दिएको, साथै सेना र प्रहरीजस्ता राज्यका निकायप्रति होच्याउने तथा अश्लील टिप्पणी गरेको आरोप लगाइएको छ ।
प्रतिक्रिया