काठमाडौं । विज्ञान, प्रविधि तथा नवप्रवर्धन मन्त्री महावीर पुनले मन्त्रालयको जिम्मेवारी सम्हाल्दै आफ्नो कार्यकालमा तीव्र गतिमा काम गरेर तीन वर्षभित्रै ठोस परिणाम दिने दाबी गरेका छन् ।
मंगलबार पदभार ग्रहणपछि सञ्चारकर्मीसँग कुरा गर्दै मन्त्री पुनले सरकारको कार्यकाल पाँच वर्ष भए पनि आफूले रातदिन खटिएर तीन वर्षभित्रै आफ्ना योजनाहरू कार्यान्वयन गर्ने लक्ष्य लिएको बताए ।
उनले विज्ञान, प्रविधि र नवप्रवर्धन क्षेत्रलाई देशको आर्थिक विकास तथा रोजगारी सिर्जनासँग जोड्दै परिणाममुखी ढंगले काम गर्ने प्रतिबद्धता व्यक्त गरे ।
“सरकारको आयु पाँच वर्ष भए पनि म पाँच वर्ष कुर्ने पक्षमा छैन । तीन वर्षभित्रै योजनाहरू पूरा हुने गरी दिनरात काम गर्नेछु,” मन्त्री पुनले भने ।
नवनियुक्त मन्त्री पुनले अनुसन्धान, नवप्रवर्तन, प्रविधि विकास तथा युवाको उद्यमशीलतालाई प्राथमिकतामा राखेर मन्त्रालयको काम अघि बढाउने संकेत समेत गरेका छन् ।
प्रतिक्रिया