दाङ । लुम्बिनी प्रदेश सभाको आठौं अधिवेशनअन्तर्गत एघारौं बैठक बस्ने भएको छ । अनिश्चितकालका लागि स्थष्ति गरिएको बैठक भोली बुधबार दिउँसो १ः०० बजे बस्ने गरि बोलाईएको छ ।
सभामुखको निर्देशनअनुसार तय भएको बैठकमा राजश्व तथा व्ययको वार्षिक अनुमानमाथिको सैद्धान्तिक छलफलदेखि विधेयकसम्बन्धी कार्यसूचीसम्म रहेका छन् ।
बैठकमा प्रदेश सभा सदस्यहरूले आगामी आर्थिक वर्षको ‘राजश्व र व्ययको वार्षिक अनुमान’माथि सैद्धान्तिक छलफलमा भाग लिने कार्यक्रम छ । छलफलका क्रममा उठ्ने प्रश्नहरूको जवाफ लुम्बिनी प्रदेशका आर्थिक मामिला तथा योजना मन्त्री धनेन्द्र कार्की ले दिने कार्यक्रम रहेको प्रदेश सभा सचिवालयले जनाएको छ । त्यसैगरी मन्त्री कार्कीले ‘विनियोजन विधेयक’ प्रदेश सभामा औपचारिक रूपमा पेश गर्ने कार्यसूची पनि तय भएको छ ।
यसअघि सत्तारुढ गठबन्धनबाट जेटको चर्को बिरोध आएपछि प्रदेशसभाको बैठक अनिश्चित कालका लागि स्थगित भएको थियो ।
बैठकमा सामाजिक विकास मन्त्री जन्मजय तिमिल्सिना ले‘थारु समुदायका प्रथाजनित परम्परा सम्बन्धी विधेयक’ समितिमा पठाउने प्रस्ताव पेश गर्ने समेत कार्यसूचीमा रहेको छ ।
प्रतिक्रिया