काठमाडौं । संघीय संसदअन्तर्गत प्रतिनिधिसभाको बैठक आज बिहान ११ बजे बस्ने भएको छ । संसद सचिवालयका अनुसार सिंहदरबारस्थित संघीय संसद भवनमा बस्ने बैठकमा विभिन्न प्रतिवेदन तथा विधेयकमाथि छलफलको कार्यसूची तय गरिएको छ ।
बैठकमा प्रधानमन्त्री वालेन्द्र शाहका तर्फबाट कानून, न्याय तथा संसदीय मामिलामन्त्री सोबिता गौतमले महान्यायाधिवक्ताको वार्षिक प्रतिवेदन २०८१/८२ पेस गर्नेछिन् । साथै अख्तियार दुरुपयोग अनुसन्धान आयोगको ३५औँ वार्षिक प्रतिवेदन २०८१/८२ पनि सभासमक्ष पेस गर्ने कार्यसूची रहेको छ ।
यस्तै, प्रधानमन्त्री शाहका तर्फबाट मन्त्री गौतमले राष्ट्रिय सेवा दल विधेयक, २०८३ प्रस्तुत गर्न अनुमति माग्ने प्रस्ताव सभामा पेश गर्नेछिन् ।
बैठकमा उक्त विधेयक प्रस्तुत गर्नुका साथै ‘नेपाल विशेष ऐन, २०४२’ को साविक व्यवस्था पुनः कायम गर्ने सम्बन्धी विधेयक, २०८३ माथि विचार गरियोस् भन्ने प्रस्ताव पनि प्रस्तुत गरिने संसद सचिवालयले जनाएको छ ।
आजको बैठकमा सरकारका तर्फबाट महत्वपूर्ण विधेयक र प्रतिवेदन प्रस्तुत हुने भएकाले संसदको कार्यसूचीलाई चासोका साथ हेरिएको छ ।
प्रतिक्रिया