काठमाडौं । आत्मदाहको प्रयासपछि उपचारका क्रममा ज्यान गुमाएका मुगुका गणेश नेपालीको न्यायको माग गर्दै उनका आफन्त, साथीभाइ तथा समर्थकले शनिबार काठमाडौंस्थित वीर अस्पतालअगाडि प्रदर्शन गरेका छन्।
प्रदर्शनकारीहरूले सरकार र सत्तारुढ दल राष्ट्रिय स्वतन्त्र पार्टी (रास्वपा) विरुद्ध नाराबाजी गर्दै घटनाको निष्पक्ष छानबिन, दोषीमाथि कारबाही र पीडित परिवारलाई न्यायको सुनिश्चितता गर्न माग गरेका छन्। उनीहरूले प्रधानमन्त्री बालेन्द्र शाह र रास्वपा सभापति रवि लामिछानेको नाम उल्लेख गर्दै पनि नाराबाजी गरेका थिए।
प्रदर्शनका क्रममा सहभागीहरू सडकतर्फ अघि बढ्न खोजेपछि केही समय नेपाल प्रहरीसँग धकेलाधकेल भएको छ । त्यसक्षेत्रमा प्रहरीले सुरक्षा व्यवस्था थप कडा बनाएको थियो।
गणेश नेपालीको शव हालसम्म आफन्तले बुझेका छैनन्। उनको शव प्रहरीले रातारात पोस्टमार्टमका लागि त्रिभुवन विश्वविद्यालय शिक्षण अस्पतालमा लगेको थियो ।
प्रतिक्रिया