काठमाडौं । गत जेठ १७ गतेयता पहिलो पटक संसद्मा उपस्थित भएका प्रधानमन्त्री वालेन्द्र शाहले मंगलबार अपराह्न ४ बजे बस्ने गरी मन्त्रिपरिषद् बैठक आह्वान गरेका छन् ।
प्रधानमन्त्री शाह मंगलबार प्रतिनिधिसभा बैठकमा उपस्थित भए पनि लामो समय बसेनन् । राष्ट्रिय स्वतन्त्र पार्टीका सभापति रवि लामिछानेसँग भेटवार्ता गरेपछि उनी करिब २० मिनेटमै संसद् भवनबाट बाहिरिएका थिए ।
संसद्बाट बाहिरिएलगत्तै उनले अपराह्न ४ बजेका लागि मन्त्रिपरिषद् बैठक बोलाएका हुन् । यद्यपि बैठकमा छलफल हुने एजेन्डाबारे भने हालसम्म औपचारिक जानकारी सार्वजनिक गरिएको छैन ।
प्रधानमन्त्रीको संसदीय उपस्थितिपछि बोलाइएको मन्त्रिपरिषद् बैठकलाई राजनीतिक वृत्तमा चासोका साथ हेरिएको छ । बैठकले समसामयिक राजनीतिक, प्रशासनिक तथा नीतिगत विषयमा निर्णय गर्न सक्ने अनुमान गरिएको छ ।
प्रतिक्रिया