काठमाडौं । नेपाली राष्ट्रिय क्रिकेट टोलीका लेग स्पिनर सन्दीप लामिछानेले लामो समयपछि पुनः कप्तानीको जिम्मेवारी पाएका छन् ।
नेपाल क्रिकेट संघ (क्यान) ले सोमबार एसीसी प्रिमियर कपका लागि सन्दीपलाई नेपाली टोलीको कप्तान नियुक्त गरेको हो । क्यानले रोहित पौडेललाई कप्तानीबाट हटाउँदै सन्दीपलाई एकदिवसीय टोलीको नेतृत्वको जिम्मेवारी दिएको जनाएको छ ।
सन्दीप सन् २०२२ पछि पहिलोपटक नेपाली टोलीको कप्तान बनेका हुन् । उनले पछिल्लो पटक २०२२ अगस्ट ३० मा नेपालका लागि कप्तानी गरेका थिए ।
सन्दीपको कप्तानीमा क्यानले १४ सदस्यीय टोलीसमेत घोषणा गरेको छ । टोलीमा आशिफ शेख, रोहित पौडेल, अर्जुन कुमाल, देव खनाल, दीपेन्द्रसिंह ऐरी, सन्दीप जोरा, बसिर अहमद, इशान पाण्डे, गुलशन झा, शेर मल्ल, ललित राजवंशी, करण केसी र हेमन्त धामी रहेका छन् ।
एसीसी प्रिमियर कप आगामी अगस्ट ३० देखि सेप्टेम्बर १२ सम्म मलेसियामा आयोजना हुँदैछ ।
प्रतिक्रिया