धनगढी, २९ साउन। । सुदूरपश्चिम प्रदेशको नयाँ मुख्यमन्त्रीका लागि नेपाली कम्युनिस्ट पार्टी संसदीय दलका नेता खगराज भट्टले दाबी पेश गरेका छ ।
नेकपा एमाले र नेपाली कम्युनिस्ट पार्टीबीच भएको सत्ता सहमतिअनुसार भट्टले आज बिहान मुख्यमन्त्रीका लागि दाबी पेस गरेका हुन्। अब भट्टलाई प्रदेशप्रमुखले मुख्यमन्त्रीमा नियुक्त गरेपछि आजै दिउँसो ३ बजे प्रदेश पद तथा गोपनीयताको शपथ लिने भएका छन्।
प्रदेश प्रमुख मियाँले संविधानको धारा १६८ को उपधारा (२) बमोजिम दुई वा दुईभन्दा बढी दलको समर्थनमा बहुमत जुटाउन सक्ने प्रदेश सभा सदस्यलाई मुख्यमन्त्रीमा दाबी पेस गर्न बिहीबार आह्वान गरेका थिए।
सुदूरपश्चिम प्रदेशसभामा नेपाली कम्युनिस्ट पार्टी २२ सिटसहित सबैभन्दा ठूलो दल हो भने एमालेसँग ११ सिट छ।
मुख्यमन्त्रीमा दाबी पेस गरेपछि भट्टले आजै दिउँसो ३ बजे शपथग्रहण गर्ने जानकारी दिएका छन्।
सत्ता साझेदार एमालेसँगको परामर्शमा भट्टले आजै सानो आकारको मन्त्रिपरिषद् गठन गर्ने तयारीसमेत गरेका छन्। सरकारमा सहभागी हुने मन्त्रीहरूको नाम र मन्त्रालय बाँडफाँटबारे भने सत्ता साझेदार दलबीच छलफल भइरहेको जनाइएको छ।
प्रतिक्रिया