नेपालगन्ज । गत जेठ ५ गते देखि अवरुद्ध बुद्ध एयरको नेपालगन्ज-पोखरा उडान पुनः संचालन हुने भएको छ । नेपालगन्ज-पोखराको नियमित उडान १६ सेप्टेम्बरबाट पुनः संचालनमा आउने भएको बुद्ध एयरले जनाएको छ ।
बुद्ध एयरले भारतबाट आउने धार्मिक पर्यटकको सङ्ख्या न्यून भएको र इन्धन खर्च बढी भएका कारण देखाउँदै गत जेठ ५ गतेबाट पोखरा-नेपालगञ्ज सिधा उडान स्थगन गरेको थियो । एक महिनाका लागि स्थगन गरेको सूचना गरेको बुद्ध एयरले झण्डै साढे तीन महिनापछि उडान सुचारु गरेको हो ।
आइतबार, बुधबार र शुक्रवार गरि हप्ताको तीन उडान राखिएको र बुकिङ्ग खुल्ला गरिएको बुद्ध एअर नेपालगन्जका प्रमुख विनितविक्रम शाहले जानकारी दिए ।
पर्यटन प्रवर्द्धन र भारतीय यात्रुलाई सहजता हुने उद्देश्यले विसं २०७८ साउन १७ गतेदेखि सातामा तीन दिन नेपालगञ्ज पोखरा उडान हुने गरेको थियो।
प्रतिक्रिया