नेपालगन्ज । उमेर नपुगेका बालबालिकाहरुलाई अबैध काममा लगाएको भन्दै नेपालगन्जमा संचालनमा रहेका तीनवटा स्पाका संचालकहरुलाई प्रहरीले पक्राउ गरेको छ । उमेर नपुगेका बालिकाहरूलाई गैह्रकानूनी तवरले काममा लगाउने गरेको आरोपका ३ जना स्पा संचालकलाई बाँके प्रहरीले पक्राउ गरेको हो ।
जिल्ला प्रहरी कार्यालयबाट खटिएको प्रहरी टोलीले नेपालगन्ज उप-महानगरपालिका-१० आदर्सनगरमा रहेको न्यू प्लेजर स्पाकी संचालिका भारतीय नागरिक गुडिया खान, सोही वार्डमा रहेको आयुर्वेदिक रिल्याक्स स्पाकी संचालिका दुर्गा थारू र नेपालगन्ज-२ न्युरोडमा संचालनमा रहेको रिलयाक्स स्पाका संचालक तर्कराज देवकोटालाई प्रहरीले पक्राउ गरेको हो ।
विभिन्न उमेरका बालिकाहरुलाई कानुन विपरित स्पाको काममा लगाएको पाईएकोले पीडित बालिकाहरुको उद्दार गर्नुको साथै उक्त गैर कानूनी कार्यमा संलग्न व्यक्तिहरुलाई पक्राउ गरीएको बाँके प्रहरी प्रवक्ता प्रतितसिंह राठौरले बताए । पक्राउ परेका तीनै जनालाई बालवालिका सम्बन्धी ऐन २०७५ बमोजिम जिल्ला अदालतबाट म्याद लिएर थप अनुसन्धान भईरहेको प्रहरीले जनाएको छ ।
प्रतिक्रिया