रसुवा । भोटेकोशीमा आएको विनाशकारी बाढीपछि त्रिशूली-३ ‘ए’ जलविद्युत् आयोजनाको सुरुङभित्र फसेका दुई जनाको जीवितै उद्धार गरिएको छ ।
उद्धार गरिएकामा मेकानिकल फोरम्यानका रूपमा कार्यरत सञ्जय साह र मेकानिकल सुपरभाइजर कविर महर्जन रहेका छन् ।
खोजी तथा उद्धारमा खटिएका इन्जिनियरका अनुसार सुरुङभित्रबाट मानिसको आवाज सुनिएको संकेत पाएपछि उद्धार टोलीले खोजी कार्यलाई तीव्र बनाएको थियो । नेपाली सेनाले पनि बिहान सुरुङभित्र मानिसको आवाज सुनिएको संकेत पाएपछि उद्धार प्रयासलाई थप केन्द्रित गरेको थियो ।
उद्धार गरिएका दुवै जनाको अवस्था तथा थप विवरण सार्वजनिक हुन बाँकी छ ।
सुरुङभित्र अझै केही व्यक्ति फसेको आशंका रहेकाले नेपाली सेना र सशस्त्र प्रहरीको टोलीले खोजी तथा उद्धार अभियान जारी राखेको छ ।
प्रतिक्रिया