काठमाडौं । प्रमुख प्रतिपक्षी दल नेपाली कांग्रेसको आह्वानमा विपक्षी दलहरूको बैठक बसेको छ ।
सिंहदरबारस्थित कांग्रेस संसदीय दलको कार्यालयमा बसिरहेको बैठकमा रसुवा र भोटेकोशी क्षेत्रमा बाढीबाट भएको क्षति, पीडितको उद्धार, राहत तथा पुनर्स्थापना र मुलुकको पछिल्लो राजनीतिक अवस्थाबारे साझा धारणा बनाउन छलफल भैरहेको छ ।
बैठकमा बाढीपीडितको उद्धार तथा राहतका साथै सर्वदलीय बैठकले गरेका निर्णय कार्यान्वयनको अवस्थाबारे पनि छलफल हुनेछ ।
बैठकमा कांग्रेस संसदीय दलका नेता भीष्मराज आङ्देम्बे र प्रमुख सचेतक बासना थापा, नेकपा (एमाले) संसदीय दलका उपनेता पद्मा अर्याल र सचेतक निता घतानी, नेपाली कम्युनिस्ट पार्टीका प्रमुख सचेतक युवराज दुलाल र सांसद प्रमेश हमाल तथा श्रम संस्कृति पार्टीका सांसद ध्रुव राई सहभागी छन्। बैठकमा राष्ट्रिय प्रजातन्त्र पार्टी (राप्रपा) भने बैठकमा सहभागी भएको छैन।
प्रतिक्रिया