काठमाडौं । मनाङको चामेनजिकै पहिरोसँगै आएको लेदो तथा बाढीका कारण मर्स्याङ्दी नदी आंशिक रूपमा थुनिएको छ। ‘घट्टे खोलाबाट आएको लेदोसहितको बाढीले नदी थुनिएको हो ।
नदीको बहाव अहिले आंशिक रूपमा सुचारु भए पनि पहिरो खस्ने क्रम भने रोकिएको छैन। सम्भावित जोखिमलाई मध्यनजर गर्दै मर्स्याङ्दी नदी आसपास साइरन बजाइएको जिल्ला प्रशासन कार्यालयले जनाएको छ।
प्रशासनले मर्स्याङ्दी नदीतटीय क्षेत्र, करिडोर तथा आसपास बसोबास गर्ने सर्वसाधारणलाई अर्को सूचना जारी नभएसम्म उच्च सतर्कता अपनाउन आग्रह गरेको छ।
नदीको बहावमा थप वृद्धि हुन सक्ने भएकाले नदी आसपासका बस्ती तथा सडक क्षेत्रमा आवतजावत गर्दा विशेष सावधानी अपनाउन प्रशासनले अनुरोध गरेको छ।
प्रतिक्रिया