काठमाडौं । तेस्रो संस्करणको नेपाल प्रिमियर लिग (एनपीएल) अन्तर्गत आज शुक्रबार कुनै पनि खेल हुने छैनन् । प्रतियोगिताअन्तर्गत शनिबार भने कीर्तिपुरस्थित त्रिवि क्रिकेट मैदानमा दुई खेल हुँदैछन् ।
शनिबारको पहिलो खेलमा दिउँसो साढे १२ बजे लुम्बिनी लायन्स र चितवन राइनोज आमनेसामने हुनेछन् । दोस्रो खेलमा साँझ ५ बजे सुदूरपश्चिम रोयल्स र विराटनगर किंग्सबीच प्रतिस्पर्धा हुनेछ ।
प्रतियोगिताको उद्घाटन खेलमा लुम्बिनी लायन्सले सुदूरपश्चिम रोयल्सलाई ७ विकेटले पराजित गरेको थियो । त्यस्तै, चितवन राइनोजले आफ्नो पहिलो खेलमा विराटनगर किंग्सलाई ८ रनले हराएको थियो ।
सुदूरपश्चिमले हालसम्म खेलेका दुई खेलमध्ये एकमा जित र एकमा हार बेहोरेको छ । विराटनगर भने आफ्ना दुवै खेलमा पराजित भएको छ । शनिबारको खेलमा विराटनगर पहिलो जितको खोजीमा हुनेछ भने लुम्बिनी र चितवन आफ्नो विजयी लय कायम राख्ने लक्ष्यसहित मैदानमा उत्रनेछन् ।
शनिबारको दोस्रो खेलमा सुदूरपश्चिम रोयल्स र विराटनगर किंग्सबीचको प्रतिस्पर्धा साँझ ५ बजे सुरु हुनेछ ।
अनुसूचीअनुसार शुक्रबार विश्राम दिन राखिएको हो भने शनिबारका दुवै खेल कीर्तिपुरस्थित त्रिवि अन्तर्राष्ट्रिय क्रिकेट मैदानमा हुनेछन् ।
प्रतिक्रिया