२ मंसिर २०८३, बुधबार | November 18, 2026

गृहमन्त्री सुधन गुरुङकी आमा दाबी गरिएको भिडियो पोस्ट गर्ने बोगटी प्रहरी नियन्त्रणमा



भक्तपुर । गृहमन्त्री सुधन गुरुङकी आमा भएको दाबी गर्दै एक महिलाको भिडियो सामाजिक सञ्जालमा पोस्ट गरेको आरोपमा कलाकार सर्विन बोगटीलाई प्रहरीले नियन्त्रणमा लिएको छ । उनलाई मंगलबार अपराह्न भक्तपुरको सूर्यविनायकबाट पक्राउ गरिएको हो ।

परिवारजनका अनुसार आफूहरू इन्टरनेट प्रदायक कम्पनी वर्ल्डलिङ्कका कर्मचारी भएको बताउँदै घरमा पुगेका सादा पोसाकका दुई प्रहरीले बोगटीलाई नियन्त्रणमा लिएर गएका थिए । उनलाई हाल जिल्ला प्रहरी परिसर काठमाडौंमा राखिएको छ ।

व्यक्तिगत गोपनीयतासम्बन्धी कसुरमा बोगटीलाई पक्राउ गरिएको जिल्ला प्रहरी परिसर काठमाडौंका सूचना अधिकारी प्रहरी उपरीक्षक पवनकुमार भट्टराईले पुष्टि गरेका छन् । यद्यपि, उनले घटनाबारे थप विवरण खुलाएका छैनन् ।

बोगटीलाई नियन्त्रणमा लिएपछि अनुसन्धानका लागि सात दिनको म्याद थप गरिएको बताइएको छ ।

जनसांस्कृतिककर्मीसमेत रहेका बोगटी कालिकोटका स्थायी बासिन्दा हुन् । उनी लामो समयदेखि परिवारसहित भक्तपुरको सूर्यविनायकमा बस्दै आएका छन् । पूर्वजनमुक्ति सेनासमेत रहेका उनी पछिल्लो समय गायक तथा संगीतकारका रूपमा परिचित छन् ।

बोगटीले गत आइतबार आफ्नो फेसबुक पेजमा एक महिलाको भिडियो पोस्ट गर्दै उनलाई गृहमन्त्री सुधन गुरुङकी आमा भनेर उल्लेख गरेका थिए ।

प्रकाशित मिति : २ मंसिर २०८३, बुधबार  ११ : ३६ बजे

Your email address will not be published.

स्रोत नखुलेको नगदसहित तीन जना पक्राउ

काठमाडौ । महानगरपालिका–४ नख्खु दोबाटो चोकबाट स्रोत नखुलेको नगद रु

सुनचाँदीको मूल्य घट्यो

काठमाडौ । स्थानीय बजारमा आज सुनको मूल्य तोलामा रु छ

गुल्मीमा प्रहरी निरीक्षक पर्वतकुमार केसी मृत फेला

गुल्मी । जिल्ला प्रहरी कार्यालय गुल्मीमा कार्यरत प्रहरी निरीक्षक (इन्स्पेक्टर)

प्रधानमन्त्री शाहको भारत भ्रमण तयारी गरिँदै

काठमाडौं। प्रधानमन्त्री वालेन्द्र शाहको आसन्न भारत भ्रमणको तयारी तीव्र पारिएको

राष्ट्रपतिद्वारा फास्ट ट्रयाकको सबैभन्दा लामो महादेवटार सुरुङको ब्रेक थ्रु

काठमाडौं । काठमाडौं–तराईरमधेस द्रुतमार्ग (फास्ट ट्रयाक) अन्तर्गत निर्माणाधीन सबैभन्दा लामो