काठमाडौं । अर्थमन्त्री जनार्दन शर्मामाथि छानबिन गर्न संसदीय समिति बन्ने भएको छ ।
संसद बैठक स्थगित गरेर सभामुख अग्निप्रसाद सापकोटाले दलहरुबीच सम्वादको पहल गरेपछि संसदीय छानबिन समिति गठनको सहमति जुटेको हो ।
यसअघि करको दर हेरफेर र सीसीटीभी फुटेज डिलिट विवादमा तानिएका शर्मामाथि छानबिन गर्न संसदीय समिति बन्न लागेको प्रधानमन्त्री निवास बालुवाटार स्रोतले दाबी गरेको थियो।
छानबिन समिति गठन गर्नुअघि अर्थमन्त्री शर्माले आफु विरुद्ध लागेका आरोपमाथि बोल्न चाहेका छन् । तर एमालेले भने छानबिन समिति गठनअघि नै अर्थमन्त्रीले राजीनामा दिनुपर्ने या बर्खास्त गर्नुपर्ने माग गरिरहेको छ ।
आजै बिहान बसेको माओवादी केन्द्रीय कार्यालयको विस्तारित बैठकमा शर्माले आफ्ना कुरा संसद बैठकमा राख्ने र छानबिन समिति बने सघाउने जानकारी गराएका थिए ।
प्रतिक्रिया