१ सय ९३ सुनचादी व्यवसायीको कोरोना विमा

बुटवल । बुटवल क्षेत्रमा रहेका १ सय ९३ जना सुनचादी व्यवसायीहरुको एकमुष्ट रुपमा कोरोना बीमा गरिएको छ ।

बुटवल सुनचादी व्यवजसाय संघ, बुटवलले हाल विश्वव्यापी महामारीको रुपमा फैलिरहेको कोरोना भाइरसको संक्रमणका बिरुद्ध व्यवसायीहरुको सुरक्षाका लागि संघमार्फत आफ्ना व्यवसायी सदस्यहरुको कोरोना भाईरस (कोभिड-१९) बीमा गराएको संघका अध्यक्ष दिपक कुमार विकले जनाएका छन् । उक्त बिमा शिखर इन्सोरेन्समार्फत कुल १ करोड ९३ लाख बराबरको रहेको छ ।

कोरोना भाइरस(कोभिड-१९) रोगको पिसिआर परीक्षण भई संक्रमित भएको प्रमाणित भएमा व्यवसायीहरुले तोकिएको बीमाङ्क रकम प्राप्त गर्नेछन् । विमाको अवधि एक बर्ष रहेको छ ।

संघले आफ्ना व्यवसायीहरुको स्वाश्थ्य सुरक्षामा ध्यान दिदै कोरोना संक्रमणप्रति सचेत हुन र व्यवसाय सञ्चालनका क्रममा जिवन रक्षाका उपायहरु अवलम्बन गर्न सबै व्यवसायीहरुलाई आग्रह गरेको छ । संघले यस अघि पसलहरुमा कार्यरत करिव २ सय कारीगडहरुलाई राहत स्वरुप खाद्यान्न वितरण गरेको थियो ।