काठमाडौं । नेकपा माओवादी केन्द्रले अर्थमन्त्रीबारे छलफल गर्ने भएको छ ।
पार्टी स्थायी कमिटी बैठकले अर्थमन्त्रीमा कसलाई पठाउने भन्ने विषयमा छलफल गर्ने भएको हो । बैठक दिउँसो ३ बजे पार्टी केन्द्रीय कार्यालय पेरिसडाँडामा बस्नेछ ।
संसदीय छानविन विशेष समितिले बजेटमा करको दर हेरफेरमा तत्कालीन अर्थमन्त्री जनार्दन शर्माको संलग्नता नरहेको प्रतिवेदन संसदलाई बुझाएपछि अर्थमन्त्रीमा कसलाई पठाउने भन्ने विषयमा माओवादीभित्र छलफल हुन लागेको हो ।
अनधिकृत व्यक्तिको संलग्नतामा करको दर हेरफेर गराएको आरोप लागेपछि तत्कालीन अर्थमन्त्री शर्माले राजीनामा दिएका थिए ।
प्रतिक्रिया