गैंडाकोट। गैंडाकोटमा रहेको जयश्री खाद्य उद्योगले वातावरणीय प्रदुषण फैलाएको भन्दै स्थानीय बासिन्दाले विरोध गरेका छन् ।
उद्योगबाट निस्कने फोहोरलाई उद्योगले सिधै जयश्री खोलामा बगाएको छ । उद्योगबाट निस्कने फोहोर पानी सीधै खोलामा फाल्दा खोला र आसपासको क्षेत्र प्रदुषित भएको छ । कानुनतः उद्योगबाट निस्कने फोहोर प्रशोधन नगरी सिधै नदी खोलामा फाल्न पाईंदैन । उद्योग सञ्चालकले कारखानाबाट निस्कने भसको कालो खरानी समेत खोलामा फालेका छन् ।
त्यसो त, उद्योगबाट निस्कने भुसको कालो खरानीसहितको धुँवा र उद्योगको आवाजले पनि स्थानीय बासिन्दालाई समस्या बढ्दै गएको छ ।
कारखानाबाट निस्कने फोहोर प्रशोधन नगरी खोलामा बगाउँदा त्यसले जलचर तथा थलचरमा ठूलो असर गर्ने गर्नेगर्छ । जयश्री खोला नारायणी नदीमा मिसिन्छ ।
प्रतिक्रिया