काठमाडौं। कोरोना भाइरस नियन्त्रण तथा उपचार कोषमा नागरिक स्तरबाट सहयोग आउने क्रम जारी रहेको छ ।
प्रदेश नम्बर ५ सरकारले गठन गरेको कोषमा बुधबार ग्लोबल आइएमई बैंकले राहत रकम जम्मा गरेको छ । बैकले कोरोना भाईरस (कोभिड –१९) विरुद्धको अभियानका लागि भन्दै २५ लाख रुपैयाँ सहयोग गरेको हो ।
बुधबार मुख्यमन्त्री कार्यालयमा पुगेर बैंकको प्रदेश नं. ५का नायव प्रदेश प्रमुख दिलिप डाँगीले प्रदेश नं ५ सरकारका मुख्यमन्त्री शंकर पोखरेललाई २५ लाख रकमको चेक हस्तान्तरण गर्नुभएको थियो।
त्यसअवसरमा मुख्यमन्त्री पोखरेलले कोरोना भाईरस (कोभिड –१९) विरुद्धको अभियानमा बैंकले गरेको सहयोग महत्वपूर्ण रहने बताउनुभयो । उहाँले सहयोग गरेकोमा बैंकलाई धन्यवाद दिनुभयो ।
ग्लोबल आईएमई बैंकले यसअघि पनि पटकपटक सरकारी राहत कोषमा रकम जम्मा गर्दै आएको छ ।
प्रतिक्रिया