बुटवल । हरितालिका तीजको अवसरमा बुटवल-८ सुख्खानगरमा अवस्थित क्यानन् माविले मैत्रीपूर्ण व्याडमिन्टन प्रतियोगिता आयोजना गरेको छ । विद्यालयका संयोजन शिक्षक र पत्रकारहरु बीच भएको मैत्रीपूर्ण खेलमा पत्रकारको समूह विजयी भएको हो ।
शुभकामना आदानप्रदान तथा मैत्रीपूर्ण सम्बन्ध कायम गर्ने उद्देश्यले आयोजना गरिएको प्रतियोगितमा पत्रकार यमलाल भुसाल र दिनेश श्रेष्ठको समूह विजयी भएको छ । उक्त समुहले शिक्षकहरु मिलनराज गिरी र महेश खनालको समूहलाई पराजित गरेको थियो ।
वेस्टअफ फाइभको उक्त प्रतियोगितमामा पत्रकारद्वय भुसाल र श्रेष्ठको समूहले ३-२ को सेटमा विजयी भएको हो । पहिलो २१-१९, १८-२१, १७-२१, २१-१८ गरी २-२ को बराबरी रहेको अवस्थामा अन्तिम खेल थप रोमान्चक बनेको थियो । कडा प्रतिस्पर्धा रहेको खेलमा पत्रकारको समुहले शिक्षकको समुहलाई अन्तिम सेटमा २७-२५ को अंकले पछि पार्दै जित दर्ता गरेको थियो ।
प्रतियोगितमा पत्रकार यमलाल भुसाल वेस्ट प्लेयरका रुपमा सम्मानित भएको मुख्य रेफ्री विष्णु थापाले बताए । जित र हारभन्दा पनि आपसी सद्भाव र भातृत्व विकासका लागि प्रतियोगिता आयोजना गरिएको कार्यक्रम संयोजक क्यानन् माविका अतिरिक्त क्रियाकलाप प्रमुख मिनराज गिरीले बताए ।
प्रतिक्रिया