खजुरा । बाँकेको क्षेत्र नम्बर ३ मा माओवादी केन्द्र र गठबन्धनको केन्द्रीय निर्णय विपरित नव प्रवेशी स्वतन्त्र उम्मेदवार बोकेर हिँडेका माओवादीको बाँके जिल्ला नेतृत्व नैतिक संकटमा परेको छ । गठबन्धनको शिर्ष नेतृत्वले पुर्ववत निर्णय अनुसार बाँके ३ (क) मा ईन्द्र प्रसाद खरेललाई आधिकारीक उम्मेवार भएको लिस्ट सार्वजनिक गरेपछि स्वतन्त्र उम्मेदवारलाई बोकेर पार्टी निर्णय विरुद्ध बिद्रोह गरेका माओवादीको जिल्ला नेतृत्व नैतिक संकटमा परेको हो ।
पार्टी केन्द्रबाट बाँके ३ (क)मा टिकट पाएका ईन्द्र प्रसाद खरेल (आईपी खरेल) को उम्मेववारी दर्ता भएर प्रचार अभियान अगाडि बढिसकेपछि माओवादीको जिल्ला नेतृत्वले एकाएक एकीकृत समाजवादीबाट बिद्रोह गरेर स्वतन्त्र उम्मेदवारी दिएका दलबहादुर सुनारलाई माओवादीमा प्रवेश गराएर आधिकारीक गठबन्धनका उम्मेदवार विरुद्ध गतिबिधि गरेका थिए । उनीहरुले सार्वजनिकरुपमा गठबन्धनका उम्मेदवारका पक्षमा देखिएपनि केही कार्यकर्ताहरुलाई स्वतन्त्र उम्मेदवार सुनारको पक्षमा उभ्याएर प्रचार प्रसार समेत शुरु गरिरको थिए । तर शुक्रबार गठबन्धनको शिर्ष नेतृत्वले आधिकारीक उम्मेदवार आईपी खरेल भएको विज्ञप्ति सार्वजनिक गरेपछि बाँके ३ को राजनीतिले फरक मोड लिएको हो ।
पार्टी केन्द्रले खरेलको नाममा टिकट पठाएको बिरोधमा माओवादीको बाँके ३ को प्रदेश स्तरिय निर्वाचन कमिटीका अधिकांस पदाधिकारीले राजीनामा दिएका थिए । तीनै राजीनामा दिएका पदाधिकारी र सदस्यहरुको बैठकले केहिदिन अघि माओवादीमा प्रवेश गरेका सुनारलाई पार्टीको आधिकारीक उम्मेदवार भन्दै विज्ञप्ति समेत निकालेका थिए । एकीकृत समाजवादीको पोलिट ब्यूरोमा रहेका सुनार टिकट र गठबन्धनबाट एकीकृत समाजवादीको भागमा नपरेपछि माओवादी भित्रका खरेल बिरोधी कार्यकर्ताको साथ लिएर स्वतन्त्र उम्मेदवार बनेका थिए ।
प्रतिक्रिया