काठमाडौं । आज बसेको संघीय संसदको प्रतिनिधिसभा बैठकबाट संविधान संशोधन विधेयकमाथि विचार गरियोस् भन्ने प्रस्ताव सर्वसम्मतिले पारित भएको छ । मंगलबार कानुनमन्त्री डा.शिवमाया तुम्बाहाम्फेले प्रस्तुत गर्नुभएको संविधान संशोधन विधेयकमाथि विचार गरियोस् भन्ने प्रस्ताव संघीय संसदको प्रतिनिधिसभाले सर्वसम्मत रुपमा पारित गरेको हो ।
सरकारले कालापानी, लिपुलेक र लिम्पियाधुरालाई समेटेर जारी गरिएको नक्साअनुसार संविधानको अनुसुची ३ मा रहेको निशान छाप संशोधन गर्न कानुनमन्त्री तुम्बाहाम्फे मार्फत संबिधान संशोधन बिधेयक बिचार गरियोस भन्ने प्रस्ताव सभामा प्रस्तु गर्नुभएको थियो ।
विधेयकलाई समर्थन जनाउँदै सबै दलका सांसदले अब भूमि फिर्ता ल्याउनका लागि कूटनीतिक पहल गर्न पनि सरकारलाई आग्रह गरेका थिए ।
विधेयकमाथिको छलफलपछि सभामुख अग्नि सापकोटाले उक्त विधेयक निर्णयार्थ प्रस्तुत गर्नुभएको थियो । प्रस्तावको विपक्षमा हुन्न भन्ने आवाज नसुनिएकाले सभामुख सापकोटाले उक्त प्रस्ताव सर्वसम्मत स्वीकृत भएको घोषणा गर्नुभएको थियो ।
बिधेयकमाथि बिचार गरियोस भन्ने प्रस्ताव निर्णायार्थ पेस गर्नुअघि संसमा प्रतिनिधित्व गर्ने सबै दलले बिधेयको पक्षमा समर्थन जनाएका थिए । विधेयकमाथिको सैद्धान्तिक छलफल चार घण्टा चलेको थियो ।
प्रतिक्रिया