काठमाडौं । नेकपा एमालेका अध्यक्ष केपी शर्मा ओलीले छाडा बोलेर डोटी जिल्लाकै बेइज्जत गर्ने नेतालाई भोट नदिन आग्रह गरेका छन् ।
चुनावी सभालाई सम्बोधन गर्ने क्रम डोटी पुगेका उनले प्रेम आले मगरतर्फ इंकित गर्दै यस्तो छाडा बोल्नेलाई मतदान गरेर फेरि मन्त्री बनाउन नहुने बताए ।
ओलीले आलेले डोटीको मात्रै नभइ नेपाली संस्कृतिकै बेइज्जत गरेको बताए । उनले डोटीको मान्छेले यस्तै बोल्छ त ? भनेर प्रश्न गरेका थिए । उनले निर्वाचनमा आलेको जमानत जफत गरेर पठाउन समेत मतदातासमक्ष आग्रह गरेका छन्। उनले भने, ‘म डोटेली जनतालाई आग्रह गर्न चाहन्छु, त्यस्ता व्यक्तिहरु, देशको माया नगर्ने व्यक्तिहरु, आन्दोलनको मतलब नभएको व्यक्तिलाई मत दिनुहुँदैन्। जमानत जफत गरिदिनुपर्छ।’
उनले नेपाली कांग्रेसको जिन्दगीभर राजनीति गरेका मान्छेलाई पनि डोटीबाट हटाएर कैलाली पुराएको भन्दै त्यस्तो पार्टीलाई भोट नदिइ एमालेलाई दिन आग्रह गरे ।
प्रतिक्रिया