काठमाडौं । कतारमा जारी फुटबल विश्वकपको पहिलो क्वाटर फाइनलमा ब्राजिललाई पेनाल्टी सुटआउटमा पराजित गर्दै क्रोएसिया सेमिफाइनलमा प्रवेश गरेको छ ।
क्रोएसियाले पाँच पटकको विश्व च्याम्पियन ब्राजिललाई ४-२ ले पराजित गरेको हो। यससँगै विश्वकपबाट ब्राजिल बाहिरिएको छ ।
निर्धारित ९० मिनेटको समयमा दुवै टिमले कुनै गोल गर्न नसकेपछि थप ३० मिनेटको अतिरिक्त समय थपिएको थियो । त्यस खेलको १०५औं मिनेटमा क्रोएसियाका खेलाडीलाई छक्याउँदै ब्राजिलका लागि नेइमारले गोल गरेका थिए।
तर, क्रोएसियाले खेलको ११७औं मिनेटमा ब्राजिली खेलाडीलाई स्तब्ध पार्दै अविश्वसनीय गोल गरेर खेललाई बराबरीमा फर्कायो । त्यसपछि थप रोचक बनेको खेल पेनाल्टी सुटआउटबाट निर्णायक बनेको हो ।
प्रतिक्रिया