काठमाडौं । अब निजी प्रयोगशालाहरुले पनि कोरोना संक्रमण परीक्षण गर्न पाउने भएका छन् ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले मन्त्रालयमा आयोजित नियमित पत्रकार सम्मेलनमा निजी प्रयोगशालाले पनि कोरोना परीक्षण गर्न पाउने निर्णय गरिएको जानकारी दिए ।
गौतमका अनुसार पीसीआर टेस्टका लागि संकलन भएका नमुनालाई आवश्यक प्रक्रिया पूरा गरेर निजी प्रयोगशालालाई पनि जाँच्न दिइने छ । यसकालागि आवश्यक खर्च सरकारले व्यहोर्ने भएको छ ।
यस्तै, मन्त्रालयले कुनै पनि व्यक्ति एक ठाउँबाट अर्को ठाउँमा जाँदा कोरोना परीक्षण गराएर मात्र जानुपर्ने भन्ने भनाइमा कुनै सत्यता नभएको स्पष्ट पारेको छ ।
प्रतिक्रिया