काठमाडौं । प्रधानमन्त्री पुष्पकमल दाहाल ‘प्रचण्ड’ पोखरा जाने भएका छन् ।
यती एयरलाइन्सको आइतबार विहान भएको दुर्घटनाको अवस्था र उद्दारको अवलोकन र मृतक तथा मृतकको आफन्तको शोकमा सहभागी हुन प्रधानमन्त्री प्रचण्ड पोखरा जाने भएका हुन् ।
पोखरामा दुर्घटनामा परेकाहरुको उद्दार चलिरहेको छ । यसबारे छलफल गर्न आकस्मिक मन्त्रिपरिषद् बैठक बोलाएका प्रधानमन्त्री प्रचण्ड आफैं पोखरा जाने निर्णयमा पुगेका हुन् । आफु पोखरा जान लागेको बैठकमा मन्त्रीहरुलाई प्रचण्डले जानकारी दिएका थिए ।
प्रधानमन्त्रीले दुर्घटनाग्रस्त जहाज र उद्धारको अवस्थाबारे स्थलगत अवलोकनका लागि आँफै पोखरा जाने निर्णय गरेका छन । सचिवालयका अनुसार केही मन्त्रीसहित प्रधानमन्त्री जान लागेका हुन् ।
उनी नेपाली सेनाको हेलिकप्टरबाट जाने तयारीमा रहेको बताइएको छ ।
प्रतिक्रिया