चीनको राजधानी बेइजिङमा पछिल्ला केही दिन यता देखिएको कोरोना भाइरसले नयाँ लक्षण देखाएको छ ।
चिनियाँ विशेषज्ञहरुका अनुसार बेइजिङका नयाँ बिरामीको कोरोना टेष्ट गर्दा उनीहरुमा बिल्कुलै फरक लक्षण देखिएको बताएका छन् ।
डाक्टरहरुका अनुसार बिरामीले पेट र हड्डी दुख्ने गरेको बताएका छन् ।
अलग अलग ठाउँमा रहने मानिसहरु र उनीहरुको रहनसहन एवं शरीरको बनावटको आधारमा पनि अलग अलग ढंगका लक्षण देखिएको भन्दै डाक्टरहरु अचम्मित बनेका छन् ।
मईको महिनामा पनि डाक्टरहरुले बिरामीलाई जाँचको क्रममा केही फरक लक्षण देखिएको बताएका थिए ।
बेइजिङिमा देखिएको कोरनाका नयाँ बिरामीका कारण पुनः महामारी फैलिन सक्ने भन्दै चिनियाँ डाक्टरहरु चिन्तित बनेका छन् ।
गत जुन ११ पछि मात्रै बेइजिङमा कोरोना भाइरसका १३७ नयाँ मामिला देखिइसकेको छ । चिनियाँ सञ्चारमाध्यमका अनुसार ३० देखि ३९ वर्ष उमेर समुहका मानिसहरुमा कोरोनाको नयाँ संक्रमण देखिएको छ ।
प्रतिक्रिया