काठमाडौँ । राष्ट्रिय स्वतन्त्र पार्टीको कार्यवाहक सभापतिमा पार्टीका उपाध्यक्ष तथा श्रममन्त्री डोलप्रसाद (डीपी) अर्याललाई जिम्मेवारी दिइएको छ । शुक्रबार राति बसेको स्वतन्त्र पार्टीको आकस्मिक बैठकले अर्याललाई कार्यवाहक सभापतिको जिम्मेवारी दिएको हो ।
शुक्रबार साँझ आएको सर्वोच्च अदालतको फैसलाले उक्त पार्टीका सभापति रवि लामिछानेको नागरिकतामा कैफियत देखाउँदै उनले देखाएको नागरिकताका आधारमा आर्जन गरेका पदहरु खारेज गरिदिए लगत्तै रास्वपाको आकस्मिक बैठक बसेको थियो ।
बैठकले अर्याललाई कार्यवाहक सभापति बनाउने निर्णय गरेको सो पार्टीका महामन्त्री मुकुल ढकालले जानकारी दिए । समानुपातिक सांसद अर्याल श्रममन्त्री समेत हुन् । बैठकले पार्टीले निधौरढा गरेका संगठन बिस्तार देखि प्रशिक्षणका सबै कार्यक्रमहरु स्थगित गर्ने निर्णय गरेको समेत ढकालले बताए ।
प्रतिक्रिया