काठमाडौं । नेकपा एकीकृत समाजवादीका अध्यक्ष माधवकुमार नेपालले सुदूरपश्चिम सरकार ढल्दा एमालेलाई गम्भीर धक्का लागेको बताएका छन् ।
राष्ट्रिय जनसांस्कृतिक महासंघ समाजवादीले शनिबार काठमाडौंमा गरेको कार्यक्रममा बोल्दै अध्यक्ष नेपालले सुदुरपश्चिमबाट एमालेलाई धक्का लाग्न सुरू भएको बताएका हुन् । नेपालले भने, ‘नेकपा एमालेलाई ठूलो धक्का परेको छ । यस्तो धक्का सुदूरपश्चिमबाट सुरू भएको छ, यो त त्यसको पहिलो सुरूवात भएको मात्रै हो ।’ नेपालले सुदुरपश्चिम सरकारमा आफ्नो पार्टी सहभागी हुनुले यो पार्टीको केही अर्थ छैन भन्नेहरुलाई जवाफ मिलेको पनि दाबी गरे ।
अध्यक्ष नेपालले राष्ट्रपति निर्वाचनपछि मुलुकमा नयाँ राजनीतिक परिवेश बन्ने बनाए ।
‘देश नयाँ परिवेशमा पुग्दैछ । अहिले सबैतिर चर्चा छ, राष्ट्रपति पदको । म राष्ट्रपति हुने भएँ भनेर मान्छेहरू दंग परेका छन्, उनीहरूलाई दंग पारिएको छ । सबैलाई राष्ट्रपति पद दिइएको छ । को–को सेन्टिफ्ल्याट खाने हुन् थाहा छैन । यो मैले संकेत मात्रै गरेको हो ।’
प्रतिक्रिया