काठमाडौँ । ट्राफिक प्रहरीले लागू गरेको सवारी नियमविरुद्ध यातायात व्यवसायी तथा मजदुरहरूले शुरु गरेको आन्दोलन उग्र बन्दै गएको हो ।
काठमाडौँ महानगरपालिका समेतको समन्वयमा बालाजु, माछा पोखरीलगायतका स्थानमा पार्किङ गरिने सवारी साधनलाई नयाँ बसपार्कमा लगेर मात्र पार्किङ गरिनुपर्ने नियम बनाइएपछि यातायात व्यवसायी र मजदुर आक्रोशित बनेका हुन् । पार्किङ निषेध देखि ट्राफिक जरिवाना समेत एक्कासी बढाएको भन्दै आन्दोलनकारीले आज बिहानै देखि बालाजु बाईपासबाट शुरु गरेको आन्दोलन उग्र बन्दै गएको हो ।
आन्दोलनरत मजदुरहरुले बालाजु क्षेत्रमा प्रहरीको भ्यानमा आगजनी गरेका छन् । बालाजुको बाइपास माछापोखरी सडकमा आन्दोलनकारीहरुले प्रहरी भ्यानमा आगजनी गरेका हुन् । अन्दोलनकारीहरुले मुल सडकमै प्रहरीको एउटा गाडी जलाएका छन् भने अर्को एउटा गाडी तोडफोड गरेर सडकमै लडाइदिएका छन् ।
आन्दोलनलाई उग्र बनाउँदै लगेका उनीहरुले मंगलबार देखि उपत्यकामा गाडी नचलाउने घोषणा गरेका छन् । आज साँझ एक विज्ञप्ति प्रकाशित गर्दै मजदुरहरुले मंगलबार देखि उपत्यकामा गाडी नचलाउने घोषणा गरेका हुन् ।
प्रतिक्रिया