२२ जना डीएसपीको एसपीमा बढुवाका लागि सिफारिस (सूचीसहित)

काठमाडौँ । नेपाल प्रहरीका २२ जना प्रहरी नायव उपरीक्षक (डिएसपी)लाई प्रहरी उपरीक्षक (एसपी)मा बढुवाका लागि सिफारिस गरिएको छ । शुक्रवार बसेको बढुवा समिति बैठकले २२ डीएसपीको बढुवा सिफारिस गरेको हो ।

डिएसपी गौतम कुमार केसीलाई १ नम्बरमा बढुवा सिफारिस गरिएको छ भने अन्य सिफारिसमा परेका डीएसपीहरुमा वसुन्धरा खड्का, नवराज कार्की, गोविन्द पुरी, रामप्रसाद घर्तिमगर, वासुदेव पाठक, रुपेश खड्का, मिलन केसी, भावेश रिमाल, श्याम बहादुर खत्री, शालिग्राम शर्मा, हरिहरनाथ योगी, श्याम कुमार राई, र गोविन्दराज काफ्ले लगायत छन् ।

बढुवा समितिको निर्णयविरुद्ध ७ दिनभित्र लोकसेवा आयोगमा उजुरी दिन सकिने व्यवस्था रहेको छ । उजुरी नपरेको अवस्थामा गृहमन्त्रीले सिफारिस अनुसार बढुवाको निर्णय गर्ने कानुनी व्यवस्था छ ।