काठमाडौं । नक्कली शरणार्थी प्रकरणमा पूर्व गृहमन्त्री बालकृष्ण खाणको बयान मंगलबार पनि हुने भएको छ । सोमबार सरकारी वकिलको कार्यालयमा बयानका लागि उपस्थित गराइएका खाँणको बयान आज नसकिएपछि मंगलबार पनि निरन्तर हुने भएको हो ।
वैशाख २७ गते नक्कली शरणार्थी प्रकरणमा उनी पक्राउ परेका थिए । पक्राउ परेपछि सुरुमा ३ दिन म्याद थप गरिएको थियो । प्रहरीले आइतबार दोस्रो पटक ४ दिन म्याद थप गरेको छ । बयानका लागि अनुसन्धान टोलीले ६० भन्दा धेरै प्रश्न तयार गरेको थियो ।
नक्कली शरणार्थी प्रकरणमा पैसाको लेनदेनदेखि प्रतिवेदन किन परिर्वतन गरियोसम्मका प्रश्न उनलाई सोधिएको थियो । अनुसन्धानका लागि सोधिएको प्रश्नमा खाणले के उत्तर दिए भन्ने कुरा अनुसन्धानकै पाटो भएकाले भन्न नमिल्ने एक सरकारी वकिलले बताए ।
बयान सकिएपछि अब प्रहरीले अर्का राजनीतिक नेता टोपबहादुर रायमाझीको बयान लिनेछ । बयानमा क्रममा सचिव पाण्डेले रकम दिएको भनी स्वीकार गरेकाले उक्त रकमको बारेमा पनि सोधिएको थियो ।
प्रतिक्रिया